Apple 2026-yilgi iPhone xavfsizlik dasturi uchun tadqiqotchilarni izlamoqda
0
26
0
2026-yilgi Apple Security Research Device dasturida ishtirok etishga xohishi bor xavfsizlik tadqiqotchilari - ya'ni pentesterlar 31-oktabrgacha ariza topshirishlari mumkin.
Apple 2026-yilgi xavfsizlik tadqiqoti qurilmasi dasturiga arizalar qabul qilishni boshladi.
Xavfsizlik tadqiqotlari uchun maxsus sozlangan iPhone’ni olishga qiziqadigan oq qalpoqli hakerlar 31-oktabrgacha ariza topshirishlari mumkin. Apple 2020-yildan buyon xavfsizlik tadqiqotchilariga ushbu “buziladigan” iPhonelarni taklif qilib keladi.
Xavfsizlik tadqiqoti qurilmasi dasturi yoki SRDP orqali tegishli tadqiqotchilar oddiy telefonda yoqilgan xavfsizlik xususiyatlarini chetlab o'tmasdan iOS xavfsizligini tahlil qilish imkonini beruvchi iPhone oladi.
Dasturga qabul qilinganlarga har qanday vositalarni ishga tushirish uchun qobiq ruxsati beriladi va ular dasturiy ta'minot va xavfsizlik loyihalarini oldindan ko'rish imkoniga ega bo'lishadi, shuningdek, o'z ishlariga yordam berish uchun maxsus vositalarni olishadi.
SRDP doirasida tarqatilgan iPhonelar tadqiqotchilarga 12 oylik qayta tiklanadigan kredit shartnomasi bo'yicha beriladi va ular shaxsiy foydalanish uchun mo'ljallanmagan.
Ushbu dasturda faqat "Apple platformalarida yoki boshqa zamonaviy operatsion tizimlar va platformalarda xavfsizlik muammolarini topishda muvaffaqiyatga erishgan" tadqiqotchilargina qatnashishlari mumkin.
Zaifliklarni topgan pentesterlar Applening xatoliklarni mukofotlash dasturi (Bug Bounty) bo‘yicha mukofot olish huquqiga ega.
Texnologik gigant kamdan-kam hollarda xatoliklarni mukofotlash dasturidan to'lov ma'lumotlarini baham ko'radi, biroq u 2024-yil uchun SRDPni e'lon qilgan, Apple SRDP tadqiqotchilarining 100 dan ortiq hisobotlarini, bir nechta oq qalpoqli hakerga 500 000 dollar mukofot berigani va qolganlariga mukofot o'rtacha 18 000 dollarni tashkil qilganini ma'lum qilgan edi.
Apple kompaniyasining SRDP sahifasida 2026-yilgi dastur doirasida qaysi iPhone modeli taqdim etilishi bildirilmagan, ammo taxminiy nomzodlar iPhone 16 yoki yaqinlashib kelayotgan iPhone 17 bo'lib, u shu oy oxirida sotuvga chiqariladi.
